ഓർമ്മകളുണ്ടായിരിക്കണം എന്ന് മനസ്സ് ഓർമ്മപ്പെടുത്തുമ്പോഴും എന്തു കൊണ്ടാണ് നമ്മൾ ഓർമ്മയിൽ സൂക്ഷിക്കേണ്ട ചില മുഖങ്ങൾ മറന്ന് പോകുന്നത് എന്ന് പലപ്പോഴും ആലോചിക്കാറുണ്ട്. മരണത്തിന് ശേഷം ഒരാളെ വാഴ്ത്തുന്നതിലെ നിരർഥകത നന്നായി അറിയാം. എങ്കിലും ഇ. ഹരികുമാർ എന്ന കഥാകാരന് അർഹമായ ആദരം പലപ്പോഴും ലഭിച്ചിരുന്നില്ല എന്ന് തോന്നിയിട്ടുണ്ട്. ഇ. ഹരികുമാർ എന്ന സാഹിത്യ സ്‌നേഹിയായ എഴുത്തുകാരൻ്റെ എല്ലാ കഥകളും ഒന്നിനൊന്ന് മെച്ചമാണെങ്കിലും നിഷ്‌കളങ്കമായ  മനസ്സുകളുള്ള  കുട്ടികളുടെ പാദത്തിനാണ് ദൈവികതയെന്ന് പറയാതെ പറഞ്ഞുപോകുന്ന ശ്രീപാർവ്വതിയുടെ പാദമെന്ന കഥ വായിച്ച കാലത്ത് ഒരു വാക്കിലെങ്കിലും ഒരനുമോദനക്കുറിപ്പെഴുതണമെന്ന് വിചാരിച്ചതാണ്. […]

ദളിതന് വെറും നിലമത് മാത്രം.. ജലമതിൽ ഗോത്രവിവേചനശരം.. അവിടെയങ്ങനെ നിരാലംബശോകം.. മിഴിനീരൊപ്പുന്ന മഴ, ഘനശ്യാമമുകിലുകൾ, തിരപ്പെരുക്കങ്ങൾ നീണ്ടവഴിയിലെ മുള്ളിൻ ചതുർവലയങ്ങൾ.. അവിടെയാണൊരു പുതിയ സൂര്യന്റെ ഉദയം,..

ചാന്തിട്ടു ചിന്തേരിട്ട് പശ്ചിമഘട്ടത്തിനെ പാഴ്വസ്തുവാക്കും മുൻപേ നീ കൈയിലൊരു തളിർക്കൂടുമായ് പോകൂ മണ്ണിനുള്ളിലെ മരതകക്കുന്നുകൾക്കുള്ളിൽ നിന്നും കടയൂ സ്വപ്നങ്ങളെ!...

അതിശയകരമായ സ്വപ്നാടനങ്ങൾ ശിരോരേഖകളെയുണർത്തുന്നു. കടലുകളെല്ലാം ഒന്നാണെന്നും ദശ ദിഗന്തങ്ങൾ എവിടെയൊക്കെയോ കൂട്ടിമുട്ടുന്നു എന്നും ടാഗോറും , ഓ എൻ വിയുമെല്ലാം എഴുതിയിരിക്കുന്നു. ദിശാന്തരങ്ങളിൽ എഴുതി മായ്ക്കാനാവാതെ ചിലയിടങ്ങൾ മനസ്സിൽ നിറയുന്നു. അലങ്കാരങ്ങളില്ലാതെ, ചമൽക്കാരങ്ങ ളില്ലാതെ..

കണികാണാനായ് കണിവെള്ളരിയൊരുക്കി, യെൻ മിഴിയിൽ ശരറാന്തൽ തെളിയ്ക്കും നക്ഷത്രങ്ങൾ... ഓർമ്മയിലിതേ പോലെ പണ്ടൊരു കണിപ്പൂവിൽ സ്നേഹത്തെയുണർത്തിയ അമ്മ തൻ മുഖം, സ്പർശം...

അമ്മ മുതൽ അമ്മൂമ്മ വരെ പറഞ്ഞു കേട്ടിരുന്ന കനകയുടെ കഥകൾ അനിഷ്ടം നിറഞ്ഞതായിരുന്നു. പിന്നീടെന്നോ നിത്യയ്ക്ക് തോന്നി ഒരു സത്യാന്വേഷണം ആവശ്യമെന്ന്. ദൃശ്യതയിലെ അദൃശ്യത പോലെ എന്തോ ഒന്ന് നിത്യയെ ചുറ്റിവരിഞ്ഞു. ഋതുക്കളോടി മാഞ്ഞ സംവൽസരങ്ങളിലൂടെ കളസേശ്വറിലെ അമ്പലത്തിനരികിൽ നിത്യയുടെ അന്വേഷണം പൂർത്തിയായിരിക്കുന്നു...

അവിടെ ഭൂകർണ്ണത്തിൻ പുസ്തകത്താളിൽ നിന്നുമുണർന്നു വരുന്നുവോ ദൈവവും, പ്രപഞ്ചവും! തമോഗർത്തങ്ങൾ കടന്നിനിയും മരിക്കാത്ത സമയം തേടി 'ഹോക്കിൻസ്' ചരിത്രം രചിക്കവെ, പ്രപഞ്ചത്തേരിൽ ദൈവകണത്തെ തിരയുന്ന മഹാശാസ്ത്രഞ്ജർ ദൈവമുണ്ടെന്ന് പറയുന്നു...

ഇന്ത്യയിലെ വിവിധസംസ്ഥാനങ്ങളിൽ സംസാരിയ്ക്കുന്ന ഭാഷകൾ ചേർത്തൊരു കവിത.. (A Poetic Contribution to all Ornamental Languages of India) ...

A country, a continent of pure love -unconditional, I fill for the blessings of a much supreme abode. Limitless the ten horizons and the love of this orange earthen globe. [...]

സാധാരണത്വത്തിലെ അസാധാരണത്വമാർന്ന സഞ്ചാരമാണ് ഓ എൻ വി കവിതകളുടെ പ്ര്യത്യേകത. അതിന്റെ വ്യാപ്തി വാക്കുകളിലൊതുക്കാനാവില്ല. കടലുകളും, ചക്രവാളങ്ങളും കാവൽ നിൽക്കുന്ന അതിബൃഹുത്തായ ഒരു ഭൂഖണ്ഡത്തിലേയ്ക്ക് നടന്നുകയറും അവസ്ഥയാണ് ഓ എൻ വിയുടെ കവിതകളിലൂടെ സഞ്ചരിയ്കുമ്പോൾ ഉണ്ടാവുക.