There is a story behind every food..

നഗരസത്രത്തിന്റെ
കാൽപനിക പരസ്യവാചകം

ഉണ്ട്
എല്ലാ ഭക്ഷണങ്ങൾക്കും
പിന്നിലൊരു കഥയുണ്ട്

തൂവൽ കിടക്കയിൽ നിന്ന്
വിളിച്ചുണർത്തി
തോലുരിച്ച്
മസാല പുരട്ടി
മയക്കിക്കിടത്തിയ
കുഞ്ഞിക്കോഴിയുടെ കഥ

നുകപ്പാടു തിണർത്തു കിടക്കും
ഉഴവു പാടം കല്ലിച്ചു കിടക്കും
ചടച്ച കാളക്കഥകൾ

വെയിലില തിന്ന്
നിലാപ്പാറയിൽ നിന്നും
നാടുകടത്തപ്പെട്ട്
ചുട്ടും സൂപ്പായും
ആടുജീവിതങ്ങൾ

ശ്വാസം മുട്ടി മരിച്ച
പ്രവിശ്യകളുടെ
കഥ പറയുന്ന
മത്സ്യാവതാരങ്ങൾ

വിയർപ്പു തിന്നു
വെളുത്ത അരി മണികൾ
കണ്ണു ചുവന്ന
തക്കാളിപ്പാടങ്ങൾ
നീയെന്നെയെന്ന പോലെ
ഉപേക്ഷിക്കുന്ന
വേപ്പു തോട്ടങ്ങളിൽ
കാറ്റുപിടിച്ചത്

മുഖാമുഖമിരുന്ന്
ഭൂമിയുടെ രക്തം കുടിച്ച്
തലച്ചോറുകൾ
പരസ്‌പരം കാർന്ന്
നമ്മളിരിക്കുമ്പോൾ
തെരുവു തിളക്കുന്നുണ്ടാവണം

വിശന്നായിരം കുഞ്ഞുങ്ങൾ
വെടിയുണ്ട ചുട്ടു തിന്നുന്നുണ്ടാകണം
അരിമണി കട്ട ഉറുമ്പിനെ
ബൂട്ടുകൾ ചവിട്ടിയരക്കുന്നുണ്ടാകണം
തുമ്പികൾ കല്ലെടുക്കുന്നുണ്ടാകണം
ചുരക്കാത്ത മുലകളിൽ
വരണ്ട കുഞ്ഞുങ്ങൾ
സമരം ചെയ്യുന്നുണ്ടാകണം,
തോറ്റ നഗരത്തില്‍ നിന്നും
പ്രതിമകള്‍ പലായനം ചെയ്യുന്നുണ്ടാകും
നക്ഷത്രങ്ങളെ തല്ലിക്കൊഴിച്ച്
ഭ്രാന്തന്മാര്‍ ഉപ്പും മുളകും
പുരട്ടുന്നുണ്ടാകും

ഓരോ അരി മണിയിലും
തിന്നുന്നവന്റെ ജാതകം
കുറിച്ചു വച്ചിട്ടുണ്ടത്രേ

തമ്മിൽ കൊന്നു തിന്ന്
കൈ വീശിപ്പിരിയുമ്പോൾ

There is a story behind every food..

എല്ലാ യുദ്ധങ്ങൾക്കും
പിന്നിലുമുള്ള കടങ്കഥ

2 Comments
  1. Anil 2 years ago

    Very good poem

  2. Chandran 2 years ago

    Very good..

Use social login to comment

Leave a reply

Your email address will not be published. Required fields are marked *

*

Subscribe to our newsletter

jwalanam-mal-logo

About us | FAQ | Terms of use | Contact us

Copyright 2019. All Rights Reserved.| Designed & Developed by Midnay

Forgot your details?

Create Account